Ўзбекистоннинг ҳозирги кундаги давлат ташқи қарзи Жаҳон банки ва Халқаро валюта жамғармаси мезонларига кўра хавфсиз ҳисобланади, деди Президент Шавкат Мирзиёев 29 декабрь куни Олий Мажлисга йўллаган Мурожаатномасида.
2021 йилдан бошлаб ташқи қарз ҳисобидан ҳудудларда амалга ошириладиган лойиҳалар бундан буён маҳаллий Кенгашлар ва жамоатчилик муҳокамасидан ўтказилиши маълум қилинди. Уларнинг натижалари тўғрисида жамоатчиликка ҳисобот бериш тизими йўлга қўйилади.
Шунингдек, давлат номидан ташқи қарз олиш камайтирилиб, инвестиция ва инфратузилма лойиҳаларига кўпроқ хусусий капитал жалб этилади. «Масалан, кейинги йилда давлат-хусусий шериклик асосида 40 дан ортиқ йирик ва ўрта лойиҳаларни амалга ошириш бошланади», — деди давлат раҳбари.
Аввалроқ 2020 йилнинг дастлабки тўққиз ойи якуни бўйича Ўзбекистон ташқи қарзининг умумий ҳажми 30 миллиард долларга яқинлашгани ҳақида хабар берилган эди. Қарз миқдори йил бошига нисбатан 19,7 фоизга ёки 4,8 миллиард долларга ошган.
Мавзуга доир:
- «Қийин бўляпти, лекин ўрганяпмиз». Шавкат Мирзиёев сўз эркинлиги соҳасида амалга оширилаётган ишлар ҳақида
- Шавкат Мирзиёев: Президент сайловлари халқаро тамойиллар асосида ўтказилиши керак
- «Коррупцияга тоқатсизлик ҳаётимиз бир қисмига айланиши керак» — Шавкат Мирзиёев
- Андижонда 2021 йил номи ёзилган баннер Президент мурожаатномаси тугамай ўрнатилди
Изоҳ (0)