Шавкат Мирзиёев 29 декабрь куни парламентга мурожаат билан чиқиш чоғида келгуси йилда мамлакатга 23 миллиард доллар қийматдаги инвестицияларни ўзлаштириш вазифаси қўйилганини маълум қилди. Натижада 2021 йилда 226 та йирик саноат ва инфратузилма объектлари ишга туширилади.
Жумладан, Навоий кон-металлургия комбинатида 2 та йирик металлургия заводи, Олмалиқ кон-металлургия комбинатида техноген рудани қайта ишлаш заводини ишга тушириш режалаштирилган.
Президентнинг айтишича, бутун республика бўйича тўқимачилик, қурилиш материаллари, чарм-пойабзал, озиқ-овқат ва фармацевтика тармоқларида юзлаб янги ишлаб чиқариш қувватлари барпо этилади. Биргина Тошкентдаги Яшнобод технопаркида яна 11 та замонавий электротехника корхонаси ишга туширилиб, у ердаги жами корхоналар сони 17 тага, ишловчилар сони 11 мингтага етказилади.
Изоҳ (0)