Ўзбекистон фуқаролари қаерда бўлмасин, уларнинг конституциявий ҳуқуқлари ишончли ҳимоя қилинмоқда, деди Президент Шавкат Мирзиёев 29 декабрь куни Олий Мажлисга йўллаган мурожаатномасида.
«‘Меҳр-3’ операцияси амалга оширилиб, Суриядан яна 98 нафар фуқаро, асосан аёллар ва болалар Ватанимизга олиб келингани бунинг яққол тасдиғидир», — дея таъкидлади Президент.
Жаҳонда кечаётган мураккаб геосиёсий жараёнлар, коронавирус пандемияси ва глобал иқтисодий инқироз шароитида, Ўзбекистон очиқ ва прагматик ташқи сиёсатни фаол олиб бормоқда.Таъкидланишича, Ўзбекистон «Очиқ маълумотларни кузатиш» халқаро индексида 125 поғонага кўтарилиб, 44-ўринни эгаллади. Бунда давлат ва жамият бошқаруви соҳасидаги 20 та йўналиш бўйича кўрсаткичларни ошкор қилиб бориш амалиёти жорий этилгани муҳим аҳамият касб этган.Халқаро майдондаги қатъий саъй-ҳаракатларимиз натижасида юртимизнинг нуфузи ва обрў-эътибори тобора юксалмоқда. Мамлакатимиз тарихда биринчи марта Бирлашган Миллатлар Ташкилотининг Инсон ҳуқуқлари бўйича кенгашига аъзо этиб сайланди.
Яқинда АҚШ давлат департаменти томонидан Ўзбекистон диний эркинлик соҳасидаги «махсус кузатувдаги давлатлар» рўйхатидан чиқарилгани ҳам кенг кўламли демократик ислоҳотларимизнинг эътирофидир.
Бирлашган Миллатлар Ташкилоти Бош Ассамблеясининг олий минбаридан илгари сурган глобал ва минтақавий ташаббусларимиз дунё ҳамжамияти томонидан катта қизиқиш билан қабул қилиниб, қўллаб-қувватланмоқда.
Шавкат Мирзиёев, Ўзбекистон Президенти
«Иқтисодий эркинлик» рейтингида ҳам Ўзбекистоннинг 26 поғона кўтарилгани, Шавкат Мирзиёевнинг сўзларига кўра, «ислоҳотларимизнинг халқаро майдондаги яна бир эътирофи бўлди».
Мавзуга доир:
- Ўзбекистонда 2020 йилда судланганларнинг 74 фоизига нисбатан озодликдан маҳрум қилиш билан боғлиқ бўлмаган жазолар тайинланди
- Ўзбекистонда 2020 йил аҳолини ижтимоий ҳимоя қилиш борасида туб бурилиш йили бўлди — Шавкат Мирзиёев
- Шавкат Мирзиёев 2021 йилни Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилди
Изоҳ (0)