Янги экспорт бозорларига чиқиш Ўзбекистон ҳукуматининг энг асосий вазифаларидан бири бўлиб қолади, деди Шавкат Мирзиёев 29 декабрь куни Олий Мажлисга йўллаган Мурожаатномаси давомида.
«Келгуси йилда Жаҳон савдо ташкилотига аъзолик масаласи ҳамда Европа Иттифоқи билан кенг қамровли ҳамкорлик бўйича ишларни фаоллаштириш лозим», — деди Президент. Айни вақтда, давлат раҳбари GSP+ тизими доирасидаги имтиёзларни Ўзбекистонда самарали қўллаш учун алоҳида дастур ишлаб чиқиш кераклигини таъкидлади.
Ўзбекистон яқинда Евроосиё иқтисодий иттифоқида кузатувчи мақомини олди.
«Ушбу ташкилотга аъзо бўлган давлатлар бозорларида тўлақонли иштирок этиш учун миллий техник тартибга солиш меъёрларини уларнинг талабларига мослаштириш бўйича ишларни жадаллаштириш зарур», — дея қайд этиб ўтди давлат раҳбари.
Президентнинг сўзларига кўра, корхоналарга хом ашё сотиб олиш ва экспортбоп маҳсулотлар ишлаб чиқариш учун Экспортни қўллаб-қувватлаш жамғармасидан 100 миллион доллар ажратилади.
Экспорт қилувчиларга чет элда савдо уйлари ва дўконлар очиш ҳамда реклама харажатларининг 50 фоизи қоплаб берилади.
Умуман, ҳукуматга келгуси йилда товар ва хизматлар экспортини камида 20 фоизга ошириш вазифаси топширилади.
Мавзуга доир:
- Ўзбекистонда 2021 йилда автомобиль ишлаб чиқарувчилар сони кўпайтирилади, 73 та акциз солиғи бекор қилинади
- Шавкат Мирзиёев: «Давлат иштирокидаги корхоналар давлатнинг ўзига оғир юк бўляпти»
- Ўзбекистонда электр энергияси улгуржи бозори шакллантирилади, суюлтирилган газ импорти учун божлар бекор қилинади
- Шавкат Мирзиёев 2021 йилни Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилди
Изоҳ (0)