Шавкат Мирзиёев: «Давлат иштирокидаги корхоналар давлатнинг ўзига оғир юк бўляпти»

Ўзбекистонда ҳозирда давлат иштирокидаги корхоналарнинг аксарияти молиявий барқарор бўлмагани учун давлатга оғир юк бўлиб қолмоқда, деди Президент Шавкат Мирзиёев 29 декабрь куни Олий Мажлисга йўллаган Мурожаатномасида.

Президент 2021 йилда Навоий кон-металлургия комбинати, «Ўзбекнефтгаз», «Ўзбекгидроэнерго», «Ўзавтосаноат» халқаро молия бозорига чиқиб, давлат кафолатисиз маблағ жалб қилиш имкониятига эга бўлишини маълум қилди.

«Тан олиш керак, мутахассисларнинг билим ва малакаси, йирик корхоналарнинг техник имкониятлари уларни мустақил трансформация қилиш учун етарли эмас. Шунинг учун электр энергетикаси, нефть-газ ва кимё саноати, машинасозликдаги йирик корхоналар ҳамда тижорат банкларини ислоҳ қилишга Жаҳон банки, Европа тикланиш ва тараққиёт банки, Осиё тараққиёт банки ҳамда МаcКензиэ, Бостон Consulting Group, Ротҳсчилд каби халқаро тан олинган компаниялар жалб этилди», — деди давлат раҳари.

Унинг қўшимча қилишича, 2021 йилда стратегик аҳамиятга эга бўлган 32 та йирик корхона ва тармоқни трансформация қилиш ишлари амалга оширилади.

«Банклар фаолиятига рақамли технологияларни кенг жорий этиш эътиборимиз марказида бўлади. 2021 йилда ‘Саноатқурилишбанк’, ‘Асакабанк’, ‘Ипотекабанк’, ‘Алоқабанк’, ‘Туронбанк’ ҳамда ‘Қишлоқ қурилиш банкъни хусусийлаштиришга тайёрлаймиз», — деди Шавкат Мирзиёев.

Президентнинг алоҳида таъкидлашича, камида битта йирик банкдаги давлат улуши стратегик инвесторларга тўлиқ сотилади. Бу борада етакчи Европа банклари билан музокаралар олиб борилмоқда.

«Таркибий ислоҳотларнинг яна бир йўналиши давлатнинг иқтисодиётдаги иштирокини камайтиришдир», — деди Президент.

Келгуси йилда «Фарғонаазот» ва «Деҳқонобод калий» заводлари, «Кока-кола ичимлиги» корхонаси, «Билдирсой» ва «Чорвоқ» оромгоҳлари, «Ичан қалъа» ва Hyatt Regency меҳмонхоналари, «Пойтахт» бизнес мажмуаси, алкоголь, ёғ-мой каби тармоқлардаги 83 та йирик корхонадаги давлат улуши сотувга қўйилади.

Умуман олганда, давлат улуши бўлган корхоналар сони келгуси икки йилда камида 3 баробар қисқартирилади.