O‘zbekistonda tovar va moliya bozorlarida erkin raqobat muhitini shakllantirish hamda tadbirkorlarga xomashyo sotib olish uchun teng imkoniyatlar yaratish zarur. Prezident Shavkat Mirziyoyev 29-dekabr kuni Oliy Majlisga yo‘llagan Murojaatnomasida bu masalaga ham to‘xtalib o‘tdi.
Foto: Madina Nurman / “Daryo”
Davlat rahbari hozirgi kunda elektr energiyasi, gaz, qimmatbaho metallar, mineral o‘g‘itlar, transport xizmatlari kabi yo‘nalishlarda monopol bozorlar mavjudligi, ularda ko‘plab muammolar saqlanib qolayotganini tan oldi.
Prezident neft-gaz va energetika sohalaridagi islohotlarni va boshlangan yirik loyihalarni yakuniga yetkazish lozimligini qayd etib o‘tdi. Jumladan, 2021-yilda davlat va xususiy elektr stansiyalari, hamda iste’molchilar o‘rtasida elektr energiyasi ulgurji bozorini shakllantirish boshlanadi.
“Shuningdek, tabiiy gaz ta’minotida monopoliyani bekor qilib, bozor mexanizmlarini joriy etamiz. Bunda ishlab chiqaruvchi va importyorlarga birja orqali tabiiy gazni sotish, ulgurji iste’molchilar esa gazni sotib olish huquqiga ega bo‘ladi. ‘O‘ztransgaz’ kompaniyasi esa faqat gazni transportirovka qiladi”, — dedi Prezident.
Shuningdek, suyultirilgan gaz bozorida xususiy sektor ishtirokini kengaytirish maqsadida uning importiga o‘rnatilgan bojlar bekor qilinishi ham ko‘zda tutilgan.
Mavzuga doir:
- Boshqa viloyatga borib ishlaydigan o‘qituvchiga 100 foiz ustama haq to‘lanadi — Shavkat Mirziyoyev
- O‘zbekiston fuqarolari qayerda bo‘lmasin, ularning konstitutsiyaviy huquqlari ishonchli himoya qilinmoqda — Shavkat Mirziyoyev
- Shavkat Mirziyoyev 2021-yilni Yoshlarni qo‘llab-quvvatlash va aholi salomatligini mustahkamlash yili deb e’lon qildi
