Андижон вилоятида 2020 йил содир бўлган 668 та йўл-транспорт ҳодисаси оқибатида 147 киши вафот этган, 582 нафар фуқаро эса турли даражада тан жароҳати олган. Бу ҳақда вилоят ЙҲХБ ахборот хизмати маълумотига таяниб, «Дарё» мухбири хабар берди.
Вилоят ЙҲХБ ходими Диёрбек Абдураззоқовнинг айтишича, бу каби ҳолатларнинг олдини олиш мақсадида ЙПХ ходимлари томонидан доимий равишда тарғибот-ташвиқот тадбирлари билан бирга рейд тадбирлари ўтказилиши ҳам йўлга қўйилган.
«Олиб борилаётган тунги рейд тадбирлари давомида асосий эътибор маст ҳолда автомашина бошқариб келаётган ҳамда қўпол турдаги қоидабузарлик содир этаётган ҳайдовчиларни аниқлашга қаратилмоқда. Профилактик тадбирлар давомида йўловчи ташиш тизимида жорий этилаётган талаблар ва мазкур соҳада яратилаётган шароитлар тўғрисида тушунтириш ишлари олиб борилмоқда. Жорий йилнинг ўтган даври мобайнида ходимлар томонидан 1329 нафар ҳайдовчига нисбатан айнан шу қоидабузарликлари учун маъмурий чоралар кўрилган. Сўнгги 4 кун давомида ўтказилган тадбирларда 104 нафар ҳайдовчи маст ҳолда автомашина бошқаргани аниқланиб, белгиланган тартибда баённомалар расмийлаштирилган», — дейди Диёрбек Абдураззоқов.
Эслатиб ўтамиз, аввалроқ Наманганда 6 кишининг умрига зомин бўлган автоҳалокат сабабларини ўрганиш учун махсус комиссия тузилгани ҳақида хабар берилганди.
Мавзуга доир:
- Оқдарёда ортидан юк машинаси келиб урган автобус пастликка ағдарилди, бир йўловчи касалхонага ётқизилди
- Элликқалъада Cobalt ва Spark иштирокида оғир ЙТҲ юз берди. Тўрт киши ҳалок бўлган бўлиши мумкин
- Сирдарёда «ЗИЛ» юк машинаси йўл четида тўхтаб турган Cobalt’га урилди. Авария оқибатида енгил машина ҳайдовчиси вафот этди
Изоҳ (0)