2020 йилнинг 25 декабрь куни Тошкент шаҳрида бўлиб ўтган Ўзбекистон ёшлари форумида Президент Шавкат Мирзиёев кадрлар масаласида сўз юритди, деб хабар бермоқда «Дарё» мухбири Миролим Исажонов.
Илм ва таълимнинг қадрига етиб, давлатимизда илм ва таълим ўрганиш билан муҳит яратилса, боболаримизга муносиб ҳаёт ва келажакни қура оламиз. Агар шуни ҳозирги тарзда давом эттирсак, бугунги режаларимизни амалга ошириб, ҳаммамиз биргаликда ҳаракат қилсак, албатта, натижа бўлади, мен бунга ишонаман.Аввалроқ Президент Шавкат Мирзиёев Ўзбекистон ёшлари форумига йиғилган йигит-қизлар билан мулоқот қилгани ва Тошкентдаги Humo Arena саройига келганлар ва ҳудудлардаги иштирокчилар ўз фикрларини, таклиф ва мулоҳазаларини баён этгани ҳақида хабар берилган эди.Вилоятларда ҳам, Вазирлар Маҳкамасида ҳам ҳали биз кутгандек, мен кутгандек кадрларни топиш қийин ва тайёр кадрлар йўқ. Мен сизларга битта сиримни айтмоқчиман: нима учун ҳар сафар вилоятларга борганимда, 4-5 соат фаолларни тўплаб, уларни эшитаман? Чунки қуйи поғонадан забардаст, жўшқинлик билан кўзи ёниб, юртини севган кадрларни излайман. Мана шу менинг сирим. Битта нарсани билинглар, мен сизларни излайман, сизлар шунга муносиб бўлишларингиз керак. Бугунги биринчи тарихий учрашувимиз доимий бўлсин. Меҳр кўзда, дейишади. Бир-биримизга бўлган меҳримиз абадий бўлсин!
Шавкат Мирзиёев, Ўзбекистон Президенти
Шунингдек, учрашувда Президент «Ёшлар: 1+1» дастури доирасида ишсиз ва уюшмаган ёшларни касб-ҳунар ва тадбиркорликка ўқитиш ташкил этилишини маълум қилган эди.
Изоҳ (0)