25 декабрь соат 06:30 ларда АҚШнинг Нэшвилл шаҳрида ғилдираклар устидаги уй портлаб кетди. Бундан олдин маҳаллий аҳоли отишма овозларини эшитган. Шундан сўнг, автотураргоҳдаги фургондан аёл кишининг «компьютерлаштирилган» овози янграб, автомобиль портлаши ҳақида огоҳлантирган, деб хабар беради Meduza.
Беци Уильямс исмли фуқаронинг сўзларига кўра, фургондан чиққан овоз портлашгача бўлган вақтни санаган. Аввалига «Автомобиль 15 дақиқадан сўнг портлайди», шундан сўнг, «ушбу автомобиль 14 дақиқадан сўнг портлайди» жумлалари янграган. Ёзиб олинган овоз воқеа жойига полициячилар етиб келганидан кейин эшита бошлаган. Полициячилар уйма-уй юриб маҳаллий аҳолини эвакуация қилган.
Фургон портлаганида атрофда жойлашган камида 41 та тижорий биноларга шикаст етган, яна битта бино қисман қулаб тушган. WTVF маълумотларга кўра, портлаш сабаб АТ&Т телекоммуникация компаниясининг тармоғи ишдан чиққан. Носозлик сабаб расмийлар Нэшвилл узра парвозларни вақтинча тўхтатиб қўйган.
https://www.instagram.com/p/CJQI34rAfis/
Нэшвилл мэри Жон Купер ва полиция ушбу портлашни «қасддан амалга оширилган» деб ҳисобламоқда. Жиноятчининг ниятни номаълум. Портлаш жойидан инсон қолдиқлари ҳам топилган бўлиб, у кимга тегишлиги ҳозирча маълум эмас.
BREAKING: This is the RV that exploded on 2nd Ave N this morning. It arrived on 2nd Ave at 1:22 a.m. Have you seen this vehicle in our area or do you have information about it? Please contact us via Crime Stoppers at 615-742-7463 or online via https://t.co/dVGS7o0m4v. @ATFHQ pic.twitter.com/JNx9sDinAH
— Metro Nashville PD (@MNPDNashville) December 25, 2020
Суриштирув ишлари билан ФҚБ шуғулланмоқда. Ишга ёрдам берадиган ҳар қандай маълумотни айтган инсонга 25,5 минг доллар миқдорида мукофот ваъда қилианган. Полиция кўчада тунгги 01:22 да, яъни портлашдан 5 соат олдин пайдо бўлган фургоннинг суратларини эълон қилган.
Изоҳ (0)