Биткоин нархи биринчи бор 25 минг доллардан ошиб кетди

Биткоин курси 25 минг долларлик чегарадан ўтиб, ўзининг тарихий максимумини янгилади. Бу ҳақда CoinDesk маълумотларига таяниб, «РБК» хабар берди.

Криптовалюта нархи 25 013 долларга чиқиб, 6 фоиздан ортиқроққа кўтарилган, бироқ кўп ўтмай 25 минглик маррадан тушиб кетган. Тошкент вақти билан соат 09:30 ҳолатига кўра, биткоин нархи 24 821 долларни ташкил этмоқда (+5,5 фоиз).

Декабрь ўрталарида биткоин нархи 5 минг долларга ошган эди. 16 декабрь куни криптовалюта қиймани биринчи бор бир суткада 12 фоизга қимматлашиб, 20 минглик чегарадан ўтиб кетган. 21 декабрь куни биткун курси 24 минг доллардан ошган, кейинги бир неча кун давомида эса 24,6 минг долларли оралиқда сақланган.

АМаркец таҳлилий департаменти раҳбари Артём Деевнинг тахминларига кўра, курс 2017—2018 йиллардаги каби кўтарилиб, кейин яна тушиб кетиши мумкин. Ўшанда биткоин нархи 20 минг долларлик рекордни қайд этиб, охир-оқибат 3,2 минг долларга тушиб кетганди.

Аввалроқ биткоин нархи 400 минг долларгача кўтарилиши тахмин қилингани тўғрисида хабар берилганди.