Бугун,

  • USD 11014.01
  • RUB 191.8
  • EUR 10674.78

Иқтисодий тараққиёт ва камбағалликни қисқартириш вазирлиги импорт қилишда божхона божи ва қўшилган қиймат солиғидан озод этиладиган Ўзбекистонда ишлаб чиқарилмайдиган технологик асбоб-ускуналар рўйхатини тасдиқлаш тўғрисидаги Вазирлар Маҳкамаси қарорини муҳокамага қўйди.

Фото: «Gazeta.uz»

Фото: «Gazeta.uz»

«Gazeta.uz»нинг ёзишича, ҳужжат билан нефть-газ ва атом саноатидаги импорт қилинадиган ускуналар, хусусан, нефть ёки газ конларини бурғулаш учун айланма, насос/компрессор ва бурғулаш қувурлари учун божлар ва ҚҚСни бекор қилиш таклиф этилмоқда.

Қишлоқ хўжалиги техникаларининг айрим турларини импорт қилиш учун имтиёзлар берилиши кутилмоқда. Бундай техникалар қаторига соғиш мосламалари ва аппаратлари, сутга ишлов бериш ва сутни қайта ишлаш жиҳозлари, ҳайвон озуқалари тайёрлаш ускуналари, уруғ, дон ёки қуруқ дуккакли экинларни тозалаш, навларга ажратиш ёки туксизлантириш машиналари, ун тортиш саноатига оид жиҳозлар, озиқ-овқат маҳсулотлари ёки ичимликларни, мол ёғи ёки учувчан бўлмаган мойларни олиб ташлаш ёки саноат йўли билан тайёрлаш учун жиҳозлар киритилиши мумкин.

ҚҚСдан босма ва тўқимачилик саноатидаги асбоб-ускуналар — босма машиналар, босиб чиқариш жараёнида қўлланиладиган қўшимча машиналар, сунъий тўқимачилик материалларини экструдирлаш, чўзиш, текстурлаш ёки кесиш учун машиналар ҳам ҚҚСдан озод қилиниши мумкин. Ушбу рўйхатга трикотаж, тўқиш-тикиш машиналари ва бошқа машиналар киритилиши режалаштирилган.

Ушбу ҳужжат лойиҳаси муҳокамаси 2021 йилнинг 1 январигача давом этади.

Изоҳ
Асосий янгиликлар