Ўзбекистонда тиббий-техника буюмларига сервис хизмат кўрсатиш йўқ, деса ҳам бўлади. Бу ҳақда муҳандис-технолог Саидикром Ахроров журналист Мусулмонбек Иброҳимовга берган интервьюсида айтиб ўтди.
Маълумот учун, Саидикром Ахроров Ўзбекистонда тиббиёт буюмлари билан таъминлаш ишларига 1985—2003 йилларда раҳбарлик қилган, муҳандис-технолог. Испания ва Бирлашган Араб Амирликларида 2003—2017 йилларда фаолият юритган. Ҳозирда тиббиёт буюмлари ишлаб чиқаришга ихтисослашган «Мединвест» корхонаси раҳбари.
Муҳандиснинг алоҳида таъкидлашича, ҳозирги вақтда Ўзбекистонда тиббий техника буюмларини таъмирлаш ва сервис хизмат кўрсатиш деярли йўқ даражада.
Сервис масаласида ишим тушганда, ярим йилдан бери компьютер томографияси ишламай турганига гувоҳ бўлдим. Сабабини сўрасам, сервис йўқ дейишди. У ноёб ва қиммат техника — ярим миллион доллар туради. Чет элда бундай техника бир кун ҳам бўш турмайди, бир минути ҳам пул. Кўрдимки, Ўзбекистонда тиббий техника буюмларига сервис хизмати кўрсатиш йўқ, деса бўлади. Ҳозирги сервисга ачинаман. Нимагаки, авваллари Тошкент шаҳри ва вилоятларда муҳандислар гуруҳлари бор эди. Ҳозир ўша жойлар бўш турибди. Ҳаммаси ҳар томонга тарқаб кетган.Аввалроқ Саидикром Ахроров Ўзбекистонда кўп марталик шприц ишлаб чиқарилишига гепатит вируси тарқалиб кетиши сабаб бўлганини айтиб ўтган эди.Ўзим муҳандисман, жоним куяди. Ноёб, қиммат техникалар халқнинг пулига олиб келтириб, ишлатмасдан қўйиб қўйса ёки шифокорларга ўша техникаларни ўргатадиган одам бўлмаса, бунинг кимга кераги бор?
Инқирозга қарши кураш фондидан 700 та сунъий нафас олдириш ускунаси олиб келинди. Ундан кейин Америка 200, Туркия 100 та аппарат берди. Қарийб минг дона аппарат бирданига келди. Бу аппаратлар қаерга ўрнатилди, қай бири ишлаяпти ёки ишламаяпти? Булар ҳақида жамоатчиликда маълумот йўқ. Биз муҳандис сифатида ўша аппаратларга сервис хизмат кўрсатишда ёрдам бериш учун масъуллардан расмий маълумот сўраганимизда улар ҳеч қандай жавоб бермади. Негадир жуда ёпиқ ишлашяпти. Шунинг учун бу соҳа жамоатчиликнинг кўп эътирозига сабаб бўлмоқда.
Саидикром Аҳроров, муҳандис-технолог
Изоҳ (0)