Андижон вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари вазифасида ишлаб келган Иброҳим Холматов Андижон шаҳрига вақтинча ҳоким этиб тайинланди. Бу ҳақда Telegram’даги «Ҳудуд Информ» канали хабар берди.
Маълум қилинишича, шу кунгача мазкур лавозимда ишлаб келган Баҳром Ҳайдаровнинг соғлиғида муаммо юзага келган.
Иброҳим Холматов аввал ҳам қисқа муддат Андижон шаҳар ҳокими лавозимида ишлаган.
Аввалроқ Баҳром Ҳайдаров Президент талаб қилмагунга қадар муҳтож одамлар ҳолидан хабар олинмаганини тан олган эди.
Маълумот учун, Баҳром Ҳайдаров Андижон шаҳрининг янги ҳокими лавозимига 2019 йилнинг октябрида тасдиқланган эди. У 2016 йилдан бошлаб Андижон шаҳрига ҳокимлик қилиб келган ва ижтимоий тармоқларда беҳаё суратлари тарқалган Дилмурод Раҳматуллаевнинг ўрнини эгаллаганди.
Изоҳ (0)