Andijon viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari vazifasida ishlab kelgan Ibrohim Xolmatov Andijon shahriga vaqtincha hokim etib tayinlandi. Bu haqda Telegram’dagi “Hudud Inform” kanali xabar berdi.
Ma’lum qilinishicha, shu kungacha mazkur lavozimda ishlab kelgan Bahrom Haydarovning sog‘lig‘ida muammo yuzaga kelgan.
Ibrohim Xolmatov avval ham qisqa muddat Andijon shahar hokimi lavozimida ishlagan.
Avvalroq Bahrom Haydarov Prezident talab qilmagunga qadar muhtoj odamlar holidan xabar olinmaganini tan olgan edi.
Ma’lumot uchun, Bahrom Haydarov Andijon shahrining yangi hokimi lavozimiga 2019-yilning oktabrida tasdiqlangan edi. U 2016-yildan boshlab Andijon shahriga hokimlik qilib kelgan va ijtimoiy tarmoqlarda behayo suratlari tarqalgan Dilmurod Rahmatullayevning o‘rnini egallagandi.
Izoh (0)