Таиландлик эркак фил боласининг юрагини массаж қилиб, унинг ҳаётини сақлаб қолди (видео)
Таиландда Мана Шриват исмли қутқарувчи ишдан сўнг уйига қайтиш вақтида мотоцикл уриб юборган филга дуч келган. Эркак тўхтаб, унга ёрдам кўрсатиш мақсадида ҳайвоннинг юрагини массаж қила бошлаган, деб хабар беради The Guardian.
Шриватнинг сўзларига кўра, қутқарувчи сифатида 26 йилдан буён ишлаб у бир неча бор нафақат инсонлар, балки ҳайвонлар ҳаётини ҳам сақлаб қолган. Юрак массажини тўғри қилиш учун эркак аввалига унинг юраги қаерда жойлашганини тасаввур қилган.
«Филча ҳаракатланишни бошлаганида кўзимдан ёш чиқиб кетай деди», — дейди Шриват.
Шундан сўнг фил боласи ветеринария касалхонасига олиб борилган ва унга ёрдам кўрсатилиб, кейинроқ яна озодликка қўйиб юборилган.
Мавзуга доир: Фил боласи шакарқамиш ўғирлаётганида қўлга тушди. У худди ҳеч ким пайқамайдигандек симёғоч орқасига яшириниб олган
