Америкадаги шаҳарча бир кечада қорга бурканди. Аҳоли ижтимоий тармоқларга уйларидан чиқишга уринаётгани тасвирланган суратларни жойлаштирмоқда

Нью-Йорк штатидаги Бингемтон шаҳри бир неча соат ичида ҳақиқий қор-шаҳарга айланиб қолди, деб хабар беради Esquire.

Маълум қилинишича, ўтган куни 70 миллионга яқин америкалик кучли қишки бўрон эпимарказида қолган. Кўплаб штат ва шаҳарлар, жумладан, Нью-Йорк ва Бостонда фавқулодда ҳолат эълон қилинган, айрим штатларда ҳатто коронавирусга тест олиш марказлари ҳам вақтинча ёпилган.

https://twitter.com/shadychick926/status/1339634953013878786

Аҳоли ижтимоий тармоққа қорга бурканган кўчаларнинг фото ва видеоларини жойлаштирмоқда.

Боред Панда порталининг ёзишича, 18 декабрь куни олти соат давомида Бингемтон шаҳарчасига 100 сантиметрдан кўпроқ қор ёғган ва у эртакнамо жойга айланиб қолган. Кўплаб аҳоли учун бу ҳақиқий чақириққа айланган — қалин қор кириш эшикларини, автомобиллар ва йўлларни тўсиб қўйган.