Бирлашган Араб Амирликларининг Дубай шаҳрида 23 декабрдан аҳолини коронавирусга қарши бепул эмлаш бошланди, бунинг учун Pfizer ва BioNTech компаниялари томонидан яратилган вакцинадан фойдаланилмоқда. БАА Соғлиқни сақлаш вазирлиги мазкур вакцинани фавқулодда қўллаш учун рўйхатдан ўтказган. Бу ҳақда «Korrespondent.net» хабар берди.
Шу тариқа БАА мазкур вакцинадан фойдаланишни бошлаган биринчи араб мамлакати Саудия Арабистони қаторига қўшилди.
Бундан ташқари, БАА аввалроқ аҳолини Хитойнинг миллий фармацевтика компанияси Sinopharm томонидан яратилган вакцина билан эмлашни бошлаган. Мамлакат ҳукуматининг маълум қилишича, Хитой вакцинасининг самарадорлиги 86 фоизни ташкил қилган.
Вакцинани биринчи бўлиб Дубайнинг 60 ёшдан ошган аҳолиси, шунингдек, сурункали касаллиги бўлган 18 ёшдан ошганлар қабул қилади.
Сўнгги маълумотларга кўра, 23 декабрга қадар БААда коронавирус билан касалланиш бўйича 195 878 та ҳолат ва 642 та ўлим қайд этилган.
Изоҳ (0)