Россиялик ёзувчи ва драматург Александр Курляндский 82 ёшида вафот этди, деб хабар беради Meduza. Ҳозирча Курляндскийнинг ўлимига нима сабаб бўлганига ойдинлик киритилмаган.
Александр Курляндский — «Сеними, шошмай тур!», «Ажойиб Гоша» ва «Адашган тўтининг қайтиши» каби мультсериалларнинг яратувчиларидан бири ҳисобланади. Унинг қатор юмористик ҳикоялари «Ералаш» киножурнали учун экранлаштирилган.
1988 йилда Курляндский «Сеними, шошмай тур!» сценарийси муаллифи сифатида Вячеслав Котёночкин ва рассом Светозар Русаков билан бирга, болалар адабиёти ҳамда санъатига қўшган ҳиссаси учун СССР давлат мукофотига лойиқ кўрилган.
Изоҳ (0)