“Soyuzmultfilm” “Senimi, shoshmay tur!” multfilmining qayta ishlash jarayonida yangi qahramon – mushukcha uchun kasting boshladi, deb yozadi “KinoPoisk”.
Foto: “KinoPoisk”
Sujetga ko‘ra, yangi qahramon bo‘ri quyonning ortidan quvayotgan vaqtida kutilmaganda paydo bo‘ladi. Mushukka ovoz berish uchun studiya kasting o‘tkazilishi e’lon qildi, unda 6 yoshdan oshganlar ishtirok etishi mumkin.
Tanlovda ishtirok etish uchun mushukning bir nechta iboralari videotasmaga yozilib, ularni Instagram yoki “VKontakte” tarmog‘ida #XochuvNuPogodi xeshtegi ostida post qo‘yilishi kerak. Tanlov 2020-yilning 16-dekabrigacha qabul qilinadi va natijalar 2020-yilning 31-dekabrida e’lon qilinadi.
Animatsion kartinaning birinchi fasli “Senimi, shoshmay tur! Ta’tilda” deb nomlanadi va qahramonlarning sarguzashtlaridan hikoya qiladi. Ma’lumotlarga ko‘ra, yoqimtoy va jasur mushukcha doimo keraksiz vaqtda va noto‘g‘ri joyda paydo bo‘ladi, ammo u o‘zining aqlliligi va uddaburonligi bilan vaziyatdan chiqib ketadi.
Foto: “KinoPoisk”
Shuningdek, multfilmda bo‘riga Garik Xarlamov, quyonga esa Dmitriy Xrustalyev ovoz bermoqda. Bundan tashqari multserial kvazi-3D animatsiya texnikasida, imkon qadar grafika qo‘shilgan holda original holatga yaqinlashtiriladi. Multserialning janri esa o‘zgarishsiz qoladi. Ammo tomoshabinlar yangi qahramonlarni zamonaviy qiyofada ko‘rishi mumkin.
Animatsion serial 6-8 yoshdagi tomoshabinlar uchun mo‘ljallangan bo‘lib, har bir epizodning vaqti 7 daqiqani tashkil etadi. Hozircha hammasi bo‘lib 52 qism chiqarish rejalashtirilgan.
