АҚШнинг Теннесси штатидаги CHI Memorial шифохонасида 17 декабрь куни ҳамшира коронавирусга қарши эмлашдан кейинги матбуот анжумани вақтида ҳушидан кетиб қолди. Бу ҳақда «Korrespondent.net» хабар берди.
Теннессида CHI Memorial шифохонасининг ходимларида Pfizer компаниясининг вакцинаси билан биринчи эмлаш амалга оширилди. Матбуот анжумани вақтида ҳамшира Тиффани Довeр ҳушидан кетиб қолди.
COVID-19’га қарши вакцина қабул қилинганидан, тахминан, 17 дақиқа ўтгач, ҳамшира бош айланишини ҳис қилган, узр сўраган ва ҳушини йўқотган.
https://twitter.com/Breaking911/status/1339779233372123137
«Мен ўзимни бироз ёмон ҳис қилдим, бироқ энди яхшиман, қўлимдаги оғриқ ҳам ўтиб кетди», — дея маълум қилган ҳамшира кейинроқ.
Ҳамшира бироз вақтдан кейин журналистлар билан яна гаплашган ҳамда оғриқни ҳис қилганда тез-тез ҳушдан кетишини ва бу унинг учун одатий ҳолат эканини айтган.
CHI Memorial шифокорларининг маълум қилишича, ҳамширанинг ҳушидан кетиши вакцина билан боғлиқ бўлмаган. Касалликлар назорати маркази ҳам ҳушдан кетиш барча эмлаш турлари учун камёб ҳодиса эмаслигини ва кўпинча безовталик ёки оғриқ натижасида юз беришини билдирган.
Изоҳ (0)