Американинг Висконсин штатида «виндхаунд» зотли ит одатдагидек бўлмаган узун бўйни ва оёқлари туфайли Instagram ва TikTok юлдузига айланди. Бу ҳақда The Mirror хабар бермоқда.
Клео лақабли ушбу бир яшар ит ўзгача кўриниши туфайли итни эмас, балки жирафани эслатиб юборади. Унинг эгаси Клер Пюиссан итни 2019 йил Огайо штатидан олиб келган. Эндиликда машҳур Клеонинг Instagram саҳифасида 26700 дан ортиқ обуначи бор. Ит бунинг учун турли рангдаги махсус кийимларда суратга тушмоқда.
Муаммо шундаки, Клеонинг узун оёқлари туфайли унга доим ҳам мос кийим топиб бўлмайди. «Сотувдаги энг чиройли кийимлар ҳам қисқа ва кичкина кўринади», − дея шикоят қилади Пюиссан.
Шунингдек, унинг эгаси Клеонинг Instagram’даги муваффақиятидан ҳайратда қолган. «Мен шунчаки унинг номига саҳифа яратгандим, аммо Instagram ва TikTok’даги бундай эътиборни кутмагандим тўғриси», − дея таъкидлайди унинг эгаси. Шунингдек, унинг ўзига хослиги узун бўйни ва оёқларида эканини ҳам қўшимча қилиб, Клеони ақлли ва қувноқ деб таърифлайди.
Америкалик аёлнинг сўзларига кўра, ит сайр қилиш, дўстлари билан ўйнаш ва кундуз куни жимгина ухлашни ёқтиради. Бундан ташқари, Клео Абелина лақабли 4 яшар ит билан бирга яшайди. Instagram фойдаланувчилари Клеонинг саҳифасида ҳамиша ажойиб шарҳлар қолдиради. Улардан бирида шундай дейилган: «Сен модель бўлишинг мумкин. Энг яхши модель. Бунинг учун оёқларинг жуда мос келади».
Изоҳ (0)