«Тошкент ёшлар форуми – 2020» доирасида ўтказилган «Глобаллашув даврида ёшлар миграцияси» мавзусида ёшлар билан суҳбат чоғида Акмал Саидов «Иккита президент даврида ҳам ишлаб келяпсиз. Бу ниманинг ҳисобига? Яъни тажрибами, мослашувчанликданми?», деган саволга жавоб берди, дея хабар бермоқда «Дарё» мухбири.
Мен ҳеч қачон коммунистик партия аъзоси бўлмаганман. Тўғри, партияга кирмоқчи бўлганман, лекин менга навбатингиз келдими, дейишган. Қолаверса, қайта қуриш даврида партиясизлар ҳам олдинга сурилсин, фақат партия аъзолари эмас, деган гап бўлди.Маълумот учун, Акмал Саидов Тошкент вилоятининг Зангиота туманида туғилган. 1990 йилда юридик фанлар доктори илмий даражасини, 1993 йилда халқаро ва қиёсий ҳуқуқ профессори илмий унвонини олган. 2017 йилдан Ўзбекистон Республикаси Фанлар академиясининг ҳақиқий аъзоси.Мен ўша пайтлари Ўзбекистон ёшлар ташкилоти раҳбари бўлганман. Буни бир тасодиф дейишим ҳам мумкин. Бундан кейин бир қанча ҳукумат ишларига эҳтиёж сезишган ва мен ёрдам берганман. Яъни менинг ёрдамимга бўлган эҳтиёжнинг туғилиш сабаби мен жаҳон тажрибасини, тилларни билишимда ва юристлигимда бўлган.
Хусусан, Давлат тили ҳақидаги қонунни мен ёзганман ва ҳеч кимдан кўчирмаганман. Биз Иттифоқда биринчилардан бўлиб 1989 йил 21 октябрда тайёрлаганмиз. Мен бу ишимдан ғурурланаман.
Кейинги ишларим Ўзбекистон Республикаси Конституциясини тузишда бўлди. Бунда мутахассисларни ҳам жалб қилганмиз, халқнинг фикрини ҳам олганмиз. Тўғрисини айтаман, Биринчи Президентимиз Ислом Каримов мени комсомолнинг биринчи котиби қилмоқчи бўлган, мен йўқ деганман. Мен «Котиб бўладиганлар кўп, мендан юридик соҳада фойдаланинг», деб айтганман.
Ўйлайманки, шунча йилдан бери ишлаб келишимга сабаб ўзимнинг билимим бўлса керак. Тўқсонинчи йилларда хорижий тиллар билан ишлайдиган ягона юрист бўлганман.
Лекин ҳозир тил билиш жуда катта эътиборга лойиқ ҳолат бўлмай қолди. Айрим мутахассислар ўзининг она тилидан ҳам кўра чет тилини яхши билади. Бу ҳолатни мен қоралайман. Тарихдан ўзбек зиёлиси камида учта тилни – ўзбек тили, араб тили ва форс тилларини билган. Битта тилни билган одам битта дунё, иккита тилни билган одам иккита дунё.
Қолаверса, ёшлар ташкилотидаги тажрибам менга элчилик учун йўл очиб бергандир. Бизда Инсон ҳуқуқлари маркази очилган пайтда Ўзбекистон энг танқидга учрайдиган давлат эди. Салкам 20 йил Ўзбекистон қора рўйхатда бўлиб келган. Инсон ҳуқуқлари бўйича мутахассис ҳеч қаерда алоҳида тайёрланмайди. Бу ҳаётий тажриба ва билимдан келиб чиқади.
Қисқаси, биринчи раҳбар даврида юридик доктор эдим, ҳозир эса академикман.
Акмал Саидов, Ўзбекистон Олий Мажлиси Қонунчилик палатаси Спикерининг биринчи ўринбосари
Акмал Саидов 1994—1996 йилларда Ўзбекистоннинг Франциядаги фавқулодда ва мухтор элчиси, шунингдек, Ўзбекистоннинг ЮНЕСКО ҳузуридаги доимий вакили сифатида фаолият кўрсатган. Президент фармонига мувофиқ, 1996 йил октябрь ойидан буён Инсон ҳуқуқлари бўйича Ўзбекистон Республикаси Миллий маркази директори лавозимида ишлаб келмоқда. Шунингдек, Ўзбекистон Олий Мажлиси Қонунчилик палатаси Спикерининг биринчи ўринбосари.
Изоҳ (0)