Тошкент шаҳар ҳокимлиги Вазирлар Маҳкамасининг «Тошшаҳартрансхизмат АЖ тизимидаги 5-автобус саройи ва 8-автобус саройи янги автобус саройларини қуриш ишларини жадаллаштириш чоралари тўғрисида»ги қарори лойиҳасини жамоатчилик муҳокамасига эълон қилди.
Ҳужжатда Тошкент вилояти Юқори Чирчиқ туманида жойлашган 5-автобус базаси биноси ва ҳудудини «Трансйўлқурилиш» давлат унитар корхонасига ўтказиш таклиф этилади.
Шу билан бирга, Юнусобод туманидаги 8-автобаза ҳудудини Тошкент архитектура ва қурилиш институтида яратилиши режалаштирилган қурилиш хаби учун ажратилади. Автобус саройини бошқа жойга кўчиришни Президент 2020 йилнинг октябрь ойида университетнинг янги биносига ташрифи пайтида таклиф қилган эди.
Янги автобус саройларини қуриш учун Тошкент вилоятининг Ўрта Чирчиқ (5-автобус саройи учун) ва Тошкент туманларидан (8-автобус саройи учун) 10 гектар ер майдони ажратилиши кутилмоқда. Янги автобус саройларини қуриш ва уларни тўлиқ жиҳозлаш учун маблағ 2021 йилга мўлжалланган бюджет маблағлари ҳисобидан амалга оширилади.Лойиҳадан келиб чиқадики, автобус базаларини қуриш, ободонлаштириш ва жиҳозлаш бўйича буюртмачи, истисно тариқасида, Тошкент шаҳар ҳокимлигининг «Ягона буюртмачи хизмати» бўлади. Шу билан бирга, асосий дизайнер ва пудратчи тендер орқали танланади.
Янги иншоотлар қурилиши тугагунига қадар автобус саройлари аввалги жойларида ишлашда давом этади.
Аввалроқ Тошкентда кимўзарга ҳаракатланиб, тўқнашган икки автобус ҳайдовчилари ишдан бўшатилгани ҳақида хабар берилганди.
Изоҳ (0)