Кейинги йилдан Франциянинг Мольсайм шаҳри аҳолиси дунёдаги энг қиммат автомобиллардан бири — Bugatti La Voiture Noire’ни томоша қилишлари мумкин бўлади. Гиперкарнинг тўлиқ ўлчамли макети шаҳарнинг асосий майдонига ўрнатилган арча ёнидаги шиша контейнер ичидан ўрин олади, деб хабар беради Motor.
Мольсайм мэри Лорен Ферстнинг ҳисоблашича, Otel-de-Vil майдонидаги ноодатий экспонат бутун шаҳар аҳолиси учун совғага айланади. Коронавирус инфекцияси сабаб бутун мамлакат бўйлаб оммавий тадбирларни ўтказиш тақиқланган, жумладан, Рождество ярмаркаларини ҳам, шу сабабли одамларнинг байрам кайфиятини кўтаришнинг ноодатий усулини ўйлаб топган. Тўрт эшикли қора спорткар март охирига қадар шаҳар марказидаги майдондан олиб ташланмайди.
Чекланган нусхада ишлаб чиқарилган La Voiture Noire тарихий Typle 57 SC Atlantic моделининг замонавий талқини ҳисобланади. Гиперкар 2019 йилда Женева автосалонида тақдим этилган бўлиб, унинг нархи 16,7 миллион еврони ташкил этади. Моделга 1500 от кучига эга (1600 Нм) 8,0 литрли V16 квадротурбодвигатель ўрнатилган бўлиб, у етти поғонали «робот» узатмалар қутиси ёрдамида бошқарилади.
Мавзуга доир: Bugatti «авиация» Chiron Спортъини тақдим этди (фото)
Изоҳ (0)