Keyingi yildan Fransiyaning Molsaym shahri aholisi dunyodagi eng qimmat avtomobillardan biri — Bugatti La Voiture Noire’ni tomosha qilishlari mumkin bo‘ladi. Giperkarning to‘liq o‘lchamli maketi shaharning asosiy maydoniga o‘rnatilgan archa yonidagi shisha konteyner ichidan o‘rin oladi, deb xabar beradi Motor.
Molsaym meri Loren Ferstning hisoblashicha, Otel-de-Vil maydonidagi noodatiy eksponat butun shahar aholisi uchun sovg‘aga aylanadi. Koronavirus infeksiyasi sabab butun mamlakat bo‘ylab ommaviy tadbirlarni o‘tkazish taqiqlangan, jumladan, Rojdestvo yarmarkalarini ham, shu sababli odamlarning bayram kayfiyatini ko‘tarishning noodatiy usulini o‘ylab topgan. To‘rt eshikli qora sportkar mart oxiriga qadar shahar markazidagi maydondan olib tashlanmaydi.
Cheklangan nusxada ishlab chiqarilgan La Voiture Noire tarixiy Typle 57 SC Atlantic modelining zamonaviy talqini hisoblanadi. Giperkar 2019-yilda Jeneva avtosalonida taqdim etilgan bo‘lib, uning narxi 16,7 million yevroni tashkil etadi. Modelga 1500 ot kuchiga ega (1600 Nm) 8,0 litrli V16 kvadroturbodvigatel o‘rnatilgan bo‘lib, u yetti pog‘onali “robot” uzatmalar qutisi yordamida boshqariladi.
Mavzuga doir: Bugatti “aviatsiya” Chiron Sport’ini taqdim etdi (foto)
Izoh (0)