Хорижда яшаш учун энг қиммат шаҳарлар маълум қилинди

ECA International консалтинг компанияси тадқиқот ўтказди ва хорижда яшаш учун энг қиммат шаҳарлар номини маълум қилди. Рейтингда Гонконг (Хитой) етакчи бўлди. Экспертлар фикрича, шаҳар уй-жой нархининг юқорилиги сабабли ана шундай ўринни эгаллаган. Бу ҳақда ташкилот сайтида маълум қилинди.

Гонконгдан ташқари дастлабкли бешликдан Токио (Япония), Нью-Йорк (АҚШ), Женева (Швейцария) ва Цюрих (Швейцария) ўрин олган. Етакчилардан кейинги ўринларни Лондон (Буюк Британия), Тель-Авив (Исроил), Сеул (Жанубий Корея), Сан-Франциско (АҚШ) ва Йокогама (Япония) эгаллаган.

Шунингдек, рейтингдан бирданига Хитойнинг учта шаҳри ўрин олган — Шанхай (11-ўрин), Гунчжоу (15-ўрин) ва Пекин (18-ўрин). Скандинавия мамлакатлари орасида дастлабки 20 та шаҳар қаторига Копенгаген (Дания) 12-ўрин билан кирган. Бошқа Европа мамлакатлари шаҳарларидан Париж (Франция) 29-ўринни, Хелсинки (Финляндия) 44-ўринни ва Мюнхен (Германия) 48-ўтинни банд қилган.

Экспертларнинг билдиришича, шаҳарнинг рейтингдаги ўрни бир неча кўрсаткичга боғлиқ бўлган, жумладан, мамлакат валютасининг барқарорлигига. Таҳлилчилар фикрича, «кучли» евро ва фунт-стерлинг сабабли кўплаб чет элликлар хорижда яшаш қийматининг ошишини ҳис қилган, шунга мос равишда Европа давлатлари дастлабки 40 та шаҳар қаторидан ўрин олган.

Аввалроқ Expat Insider 2020 мигрантларнинг яшаши учун энг яхши шаҳар номларини маълум қилганди. Рўйхат бошидан Валенсия, Аликанте ва Лиссабон ўрин олган,