ECA International konsalting kompaniyasi tadqiqot o‘tkazdi va xorijda yashash uchun eng qimmat shaharlar nomini ma’lum qildi. Reytingda Gonkong (Xitoy) yetakchi bo‘ldi. Ekspertlar fikricha, shahar uy-joy narxining yuqoriligi sababli ana shunday o‘rinni egallagan. Bu haqda tashkilot saytida ma’lum qilindi.
Gonkongdan tashqari dastlabkli beshlikdan Tokio (Yaponiya), Nyu-York (AQSh), Jeneva (Shveysariya) va Tsyurix (Shveysariya) o‘rin olgan. Yetakchilardan keyingi o‘rinlarni London (Buyuk Britaniya), Tel-Aviv (Isroil), Seul (Janubiy Koreya), San-Fransisko (AQSh) va Yokogama (Yaponiya) egallagan.
Shuningdek, reytingdan birdaniga Xitoyning uchta shahri o‘rin olgan — Shanxay (11-o‘rin), Gunchjou (15-o‘rin) va Pekin (18-o‘rin). Skandinaviya mamlakatlari orasida dastlabki 20 ta shahar qatoriga Kopengagen (Daniya) 12-o‘rin bilan kirgan. Boshqa Yevropa mamlakatlari shaharlaridan Parij (Fransiya) 29-o‘rinni, Xelsinki (Finlyandiya) 44-o‘rinni va Myunxen (Germaniya) 48-o‘tinni band qilgan.
Ekspertlarning bildirishicha, shaharning reytingdagi o‘rni bir necha ko‘rsatkichga bog‘liq bo‘lgan, jumladan, mamlakat valyutasining barqarorligiga. Tahlilchilar fikricha, “kuchli” yevro va funt-sterling sababli ko‘plab chet elliklar xorijda yashash qiymatining oshishini his qilgan, shunga mos ravishda Yevropa davlatlari dastlabki 40 ta shahar qatoridan o‘rin olgan.
Avvalroq Expat Insider 2020 migrantlarning yashashi uchun eng yaxshi shahar nomlarini ma’lum qilgandi. Ro‘yxat boshidan Valensiya, Alikante va Lissabon o‘rin olgan,
Izoh (0)