Швеция бош вазири мамлакат соғлиқни сақлаш идоралари COVID-19’нинг янги тўлқини хавфини етарлича баҳоламаганини билдирди, деб хабар бермоқда «Интерфакс» Associated Press’га таяниб.
«Менимча, аксарият мутахассислар вируснинг янги тўлқинини кўрмади, улар фақат касалликнинг алоҳида ўчоқларини гапирганди», — деган бош вазир.
Бош вазирнинг баёноти мамлакатда пандемияга қарши курашни ўрганган ҳукумат комиссияси дастлабки хулосасини маълум қилишидан бир неча соат олдин эълон қилинган.
Швеция ҳукумати бошиданоқ вирусга нисбатан паст даражадаги позицияда бўлди ва қатъий чекловлар қўймади.
Мамлакатда пандемия бошланганидан буён 320 мингдан ортиқ киши коронавирусга чалинди, 7,5 мингдан ортиғи вафот этган. Шу билан бирга, мамлакатда ўлимлар даражаси қўшни Норвегия, Финляндия ва Данияга қараганда анча юқори бўлди.
Мамлакат бош эпидемиологи Андерс Тегнелл карантиндан воз кечилгани сабабли мамлакатда жуда кўп одам вафот этганини тан олган ва буни хато деб атаганди.
Associated Press’нинг қайд этишича, шу кунгача ҳукумат қўллаган энг қаттиқ чеклов саккиз нафардан ортиқ фуқаролар йиғилиши тақиқланиши бўлди холос. Швецияда аҳолига берилган карантин тавсияларининг натижасизлиги сабабли қатъий карантин жорий этишга қарор қилинди.
Изоҳ (0)