Япониянинг Аэрокосмик тадқиқотлар агентлиги (ЖАХА) мутахассислари 15 декабрь куни Рюгу астероидидан олинган тупроқ намуналари жойланган капсулани очди. Капсула Ерга «Хаябуса-2» сайёралараро станция томонидан етказилган. Бу ҳақда Meduza хабар берди.
Агентлик томонидан маълум қилинишича, «Хаябуса-2» 2019 йилнинг февраль ойида астероидга биринчи қўниши вақтида мазкур намуналарни йиғган.
«Хаябуса-2» сайёралараро станция 2014 йилда Ер атрофидаги Рюгу астероидига учирилган. 2018 йилнинг июнь ойида аппарат астероидга жуда яқин келган, кейин эса бир неча ой давомида тупроқдан иккита намуна олган ва қайта парвоз қилган. 2020 йилнинг 5 декабрида «Хаябуса-2» Ер атмосферасига Рюгу астероидидан олинган тупроқ намуналари жойланган капсулани қўйиб юборди. Капсула Австралия ҳудудига қўнди.
Изоҳ (0)