DxOMark лабораторияси ўзининг Хитойдаги бўлинмаси орқали «Дисплей», «Камера» ва «Зум» йўналиши бўйича энг яхши смартфонлар рўйхатини эълон қилди. Ғолиблик Huawei, Xiaomi ва Samsung флагман смартфонларига насиб этган, деб хабар беради IXBT.
Huawei Маte 40 Pro яна бир бор бозордаги энг яхши камерафон деб топилган бўлиб, у бу борадаги тестда 136 балл тўплаган. Ҳозирча ундан юқори балл тўплаш бошқа бирор смартфонга насиб этмади. Қурилма хира ёритилган жойда ҳам сифатли суратга олади, динамик диапазони ажойиб, автофокуси тезкор.
Xiaomi Мi 10 Extreme Commemorative Edition смартфони энг яхши зумга эга қурилма деб топилди, бироқ унинг камераси Huawei Маte 40 Pro’дан 3 балл камроқ тўплаган. Яқинда DxOMark смартфонлар дисплейини ҳам синовдан ўтказишни бошлаган бўлиб, бу йўналишдаги биринчиликни Samsung Galaxy Note 20 Ultra 5G’га берган — экран 89 балл тўплаган. Қурилма дисплейи 120 герци янгиланиш частотаси сабаб жуда тиниқ, захира ёруғлигига эга, ранглар эса аниқ.
Шунингдек, энг яхши «ақлли» колонка ҳам танланган бўлиб, ғолибликни 109 балл билан 2019 йилда ишлаб чиқарилган Xiaomi XiaoAl Speaker HD қўлга киритди.
Изоҳ (0)