Компьютер учун мўлжалланган ноёб сичқонча аукцион орқали 800 доллар нархида сотувга қўйилди

Замонавий қурилмаларнинг «тўғридан-тўғри» аждоди ҳисобланган, бироқ дизайни ва ички компонентлари билан улардан кескин фарқ қилувчи сичқонча сотувга қўйилди, деб хабар беради Hi-Tech.Mail.ru.

Компьютерлар учун мўлжалланган аксессуарни компьютер технологиялари кашфиётчиси Дуглас Энгелбарт яратган. Биринчи бор сичқонча 1968 йилнинг 9 декабрида намойиш этилган. Ўшанда ихтирочи катта шов-шувга сабаб бўлган: у ўзининг ҳамкасблари билан минг нафар олимга 90 дақиқали тадқимот ўтказган. Унда видеоконференция, электрон почта, гиперматн ва файлларни юклаш каби кўплаб компьютер функциялари ва технологиялари намойиш этилган.

Биринчи компьютер сичқончаси жойини ўзгартирувчи датчикли ўзига хос конструкцияга эга бўлган — у қурилма корпусидан чиқиб турувчи иккита перпендикуляр ғилдиракдан таркиб топган. Фойдаланувчи сичқончани қимирлатганида, ғилдиракча ўз ўқлари бўйича ҳаракатланган. Кейинроқ ушбу конструкцияда қирқилган пўлат шарчадан фойдаланиш бошланган, бироқ кўп ўтмай ундан воз кечилган.

Энгелбарт қурилмасининг яна бир ўзига хос жиҳати тугмалари сонида. Улар учта — кўрсатгич, ўрта ва номсиз бармоқ остида. Ўрта (учинчи) тугма тез орада айланувчи ғилдирак кўринишини олган.

Аукцион 17 декабрь куни бўлиб ўтади. Сичқончани 800 долларга сотиш режалаштирилмоқда.