Apple компанияси 2020 йил якунланаётган бир пайтда мухлислари учун ўзининг биринчи тўлиқ ўлчамли наушникларни тайёрлаб қўйди, деб хабар беради Hi-Tech.Mail.ru.
AirPods Мах катта наушник бўлибгина қолмай, у премиум синфига киради. АҚШда унинг нархи 549 долларни ташкил этиши кутилмоқда.
Катта наушниклар кичкина AirPods’нинг барча функцияларига эга бўлган — улар бошдан ечилганда ёки тақилганида автоматик «пауза»га тушади ёки ўчади, iPhone, iPad ва Маc’ларга тезда уланади.
Компаниянинг маълум қилишича, наушниклар конструкцияси шундай ишланганки, унинг ҳар бир детали инсон бошининг шаклига мослашади — ортиқча босим ва ноқулайликни юзага келтирмайди. Наушникнинг юқори қисмида алюминийдан ишланган ва ҳаво ўтказувчи мато билан қопланган, «амбушюр»лар ҳам бир-биридан мустақил бурилади.
Компания наушниклар орқали товуш минимал узилишлар орқали эшитиладиган диапазонда тақдим этилишини ваъда қилган. Унинг ичига Apple томонидан яратилган драйверлар ўрнатилган. Шунингдек, наушникларга фаол шовқинни сўндирувчи тизим ҳам эга бўлиб, у «шаффор» режимида ҳам ишлай олади — бу атрофдагиларни эшитиш ёки улардан келаётган овозни тўлиқ блоклаш имконини беради.
Наушниклар фақатгина симсиз режимда, смартфон ёки компьютерга уланган ҳолда 20 соатгача ишлайди. Қувватлантириш учун Lightning разёмидан фойдаланилган.
AirPods Мах’ни олдиндан буюртма қилиш мумкин, савдолар 15 декабрдан бошланади. Наушниклар беш хил рангда — кул ранг, кумушранг, яшил, кўк ва қизил рангларда сотувга чиқади.
Эслатиб ўтамиз, Apple апрель ойида AirPods Х номли симсиз наушникларини тақдим этганди, у 2020 йилнинг сентябрь—октябрь ойларида 200 доллардан сотувга чиқиши керак эди.
Изоҳ (0)