Дерек лақабли хаски Беларуснинг Окрестина ва Баранович изоляторига олиб кетилган хўжайинларини 12 кун давомида кутди, деб хабар беради Meduza. Бу вақт давомида итга унинг дўстлари қараб турган, бироқ Дерек барибир ухламаган ва кечалари ғингшиб чиққан. Ўз эгаларини кўрганида эса хаски уларни ерга йиқитиб юборишига оз қолган. Хурсандчиликдан ит вовиллаган, сакраган ва орқа панжаларида тик турган.
«Дерек буни қандай амалга оширишини билмадим, лекин у доим қаерда бўлганимизни билади. Агар уйдан шунчаки чиқиб кетсак, у бизни хурсанд бўлиб, бироқ эринчоқлик билан кутиб олади. Ширинлик беришимизни билади. Мана уч кундан буён эса ит сурбетлашмади ва столдан бирор овқатни тортиб кетишга уринмаяпти», — дейди итнинг Наталья исмли эгаси ўзининг Instagram’даги саҳифасида.
Натальянинг сўзларига кўра, эндиликда Дерек ўз эгаларидан бир қадам ҳам узоқлашмай қўйган, «ҳатто исиб кетса ва ўзининг севимли салқин плиткасида ётишни хоҳласа ҳам».
Аввалроқ Перуда вафодор ит бир неча кун касалхона олдида коронавирусга чалинган эгасини кутгани тўғрисида хабар берилганди.
Изоҳ (0)