Telegram асосчиси Павел Дуров Американинг Politico нашри томонидан тузилган 2020 йилги рейтингда «асосий безори»га айланди, деб хабар беради «Korrespondent.net».
«Ижтимоий медиага дунёни бирлаштириш воситаси сифатида қараб келинган, бироқ бунинг ўрнига улар одамларни бир-бирдан узоқлаштирмоқда — россиялик тадбиркор Павел Дуров ўзининг Telegram мессенжери билан айнан ушбу феноменни тасдиқламоқда», — дея қайд этади нашр.
Мессенжернинг ўзи «сирли яратувчиси идеалларини акс эттирувчи» сўз эркинлиги маскани, деб таърифланган.
Таъкидланишича, дастур борган сари Ғарб аудиториясида оммавий ҳаракатларни ташкиллаштириш воситаси сифатида машҳурликка эришмоқда.
«Facebook ва Twitter каби платформалар ёлғон ахборотларга ва зўравонликларга ундашга қарши курашаётган бир пайтда, Telegram шу каби материалларнинг катта қисми учун бошпанага айланди», — дейилади хабарда.
Бундан ташқари рўйхатдан қуйидаги инсонлар ҳам ўрин олган:
- Тьерри Бретон — Европа Иттифоқи ички бозори масалалари бўйича еврокомиссар, Франциянинг собиқ молия вазири;
- Жорда Мелони — италиялик ултраўнг сиёсатчи, «Италия оғалари» партияси етакчиси;
- Макс Шремс — австриялик фаол, Facebook’нинг шахсий маълумотларни бузишига қарши ўтказган кампаниялари билан танилган;
- Стефан Харбарт — Германия Федерал конституцион суди раиси;
- Владимир Путин — Россия президенти;
- Жоан Роулинг — инглиз юзувчиси, Гарри Поттер ҳақидаги китоблар муаллифи;
- Никола Стержен — Шотландия биринчи вазири;
- Рохая Диалло — франциялик журналист, ёзувчи ва ирқчилик, гендер ва диний тенглик тарафдори.
Изоҳ (0)