Замбияда Гертруда Нгома исмли аёл йигити биргаликда оила қуриш таклифини билдирмаётгани сабаб уни судга берди, деб ёзади Tuko.
Таъкидланишича, 26 ёшли аёл Герберт Салалики билан саккиз йилдан буён таниш. Унинг сўзларига кўра, йигит бир неча бор тўй қилишга ваъда берган, бироқ ҳамон оила қуриш таклифини билдирмай келмоқда.
Шу билан бирга, аёл Салаликидан бўлган фарзанди билан ота-онасини уйида яшаб келмоқда.
«У муносабатларимизга ҳеч қачон жиддий қарамаган, шу сабабли уни судга олиб келдим. Муносабатларимиз келажагини ва эндиликда нима қилишим кераклигини билишга ҳақлиман», — дейди Гертруда севгилисини хиёнатда гумонлаб.
Салалики судга уйланиш учун пули йўқлигини маълум қилган. Шунингдек, у Нгомани ўзига етарлича вақт ажратмасликда айблаган. Судья икки ёшга ярашиб олишни ва мустақил равишда келишмовчиликни ҳал этишни маслаҳат берган.
Изоҳ (0)