Голливуд актёри Жорж Клуни суратга олиш ишлари учун кескин равишда 13 килограммга озди ва шифохонага тушиб қолди, деб хабар беради Mirror газетаси.
Маълумотларга кўра, «Ярим тундаги осмон» фильми устида ишлар бошланишига тўрт кун қолганда 59 ёшли Клуни қориндаги қаттиқ оғриқ билан шифохонага жойлаштирилган. Актёрда панкреатит аниқланган ва у бир неча кун касалхонада қолишга мажбур бўлган.
«Ўйлашимча, мен ўзиш учун қаттиқ ҳаракат қилиб юбордим ва эҳтимол, ўзимга яхши эътибор қаратмадим», — дейди Клуни.
Актёр глобал ҳалокатдан кейин омон қолган саратонга чалинган астроном роли учун тайёргалик кўрган.
Клуни мазкур фильмнинг режиссёри ҳам ҳисобланади, унинг таъкидлашича, фильм — ҳозирги кундаги энг катта лойиҳа. Юлдузнинг касалликдан соғайиши учун бир неча ҳафта керак бўлган.
Актёр суратга олиш ишлари учун озишдан ташқари, соқол ҳам олмай қўйган, бу эса унинг хотини Амалга ёқмаган.
«Мен узун, хунук соқол ўстирдим, бу оғлимга ёқди, чунки у соқол ичига турли нарсаларни яшириб қўярди… Аммо хотиним ва қизим соқолим олинганидан кейин хурсанд эди», — дейди Клуни.
Аввалроқ Голливуд актёри Кристиан Бэйл карьераси давомида 274 килога семириб, озгани тўғрисида хабар берилганди.
Изоҳ (0)