«Уддалаб бўлмас топшириқ» франшизасининг саккизинчи қисми якуний бўлади, шу сабабли унинг продюсери, шунингдек, бош роль ижрочиси Том Круз космосда суратга олиш ишларини ташкиллаштиришга уринмоқда, деб хабар беради «Korrespondent.net».
Маълумотларга кўра, актёр NASA билан музокаралар ўтказмоқда ва барча деталларни мувофиқлаштириб бўлган. Бундан ташқари, Том Круз ўз режасини амалга ошириш учун космосга учиш учун кетадиган харажатларни қоплашга тайёр.
«Том ўзининг трюклари билан машҳур ва ‘Уддалаб бўлмас топшириқ’ фильмларидаги саҳналар ҳам ҳозирга қадар суратга олинган энг қийин саҳналардан. Бироқ у янада олдинга қараб ҳаракат қилиш ниятида. У ўзи ўйлаган режанинг амалга ошишига ишончи комил ва бу ҳақда NASA билан гаплашган», — дейилади хабарда.
Эслатиб ўтамиз, Том Круз ҳозирда «Уддалаб бўлмас топшириқ-7»ни якунлаш устида иш олиб бормоқда. Турли трюкларга бой фильм 2021 йилда катта экранларга чиқади..
https://twitter.com/DRMovieNews1/status/1302976531174653953
Крузнинг космосда фильм суратга олиши ҳақида май ойида маълум бўлганди. Лойиҳага SpaceX асосчиси Илон Маск қизиқиш билдирган.
Аввалроқ Том Круз «Уддалаб бўлмас топшириқ-7» фильмининг суратга олиш жараёнида аварияга учрагани маълум бўлганди.
Изоҳ (0)