Давлат тест маркази 2020/2021-ўқув йилида умумтаълим мактаблари, академик лицей ва касб-ҳунар мактабларида қўлланилаётган дарслик ва ўқув-методик қўлланмалар рўйхатини эълон қилди. Бу ҳақда ДТМ матбуот хизмати маълум қилди.
Қайд этилишича, адабиётлар рўйхати ДТМнинг Халқ таълими ҳамда Олий ва ўрта махсус таълим вазирликларига қилган мурожаатига жавобан мазкур вазирликлардан келган хатлар асосида шакллантирилган.
Дарсликлар рўйхатини ҳар бир фан бўйича алоҳида шаклда тегишли фан ва тилни танлаган ҳолда қуйидаги ҳавола орқали юклаб олиш мумкин. Дарсликларнинг электрон форматини эса Халқ таълим вазирлигининг ахборот-таълим порталидан юклаб олиш имконияти мавжуд.
Эслатиб ўтамиз, Ўзбекистонда 2021 йил 1 январдан давлат ОТМларига кириш учун тест синови материалларининг маъно-мазмуни умумий ўрта таълим тизимидаги фанларнинг ўқув дастурларига мослаштирилади. Тест синови топшириқлари давлат таълим стандартлари ва ўқув дастурлари асосида тузилади.
Изоҳ (0)