Ўзбекистонда иккинчи хотинга уйланиш учун расман рухсат берилгани ҳақидаги хабарлар ҳақиқатга мос келмайди, дея маълум қилди «AntiFake.uz» Telegram канали
Қайд этилишича, ижтимоий тармоқлар ва Telegram каналларида Ўзбекистон Вазирлар Маҳкамасининг 2020 йил 17 ноябрдаги ПҚ 3535-сонли қарорига асосан мамлакатда иккинчи хотинга уйланишга рухсат этилганлиги тўғрисида хабарлар тарқалмоқда. Мазкур хабар ёлғон ва ҳақиқатга мос келмаслиги маълум қилинди.
Аҳоли ўртасида ёлғон ахборот тарқатганлик учун жавобгарлик мавжудлиги эслатиб ўтилган.
Маълумот учун, Ўзбекистон Жиноят кодексининг 126-моддасига кўра, кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш — базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.
Бундан ташқари, Оила кодексининг 16-моддасига асосан, никоҳ тузишга лоақал биттаси рўйхатга олинган бошқа никоҳда турган шахслар ўртасида йўл қўйилмайди.
Май ойида ҳам ҳудди шундай хабарлар тарқалганди ва рад этилган.
Изоҳ (0)