Гамалея маркаси томонидан ишлаб чиқилган «Спутник V» вакцинаси яхши натижа қайд этди. «ТАСС»нинг хабар беришича, бу ҳақда 8 декабрь куни Россия соғлиқни сақлаш вазирининг маслаҳатчиси Сергей Глаголев маълум қилди.
«Вакцинанинг икки компоненти билан эмланган кўнгиллиларнинг 0,5 фоизидан камроғи COVID-19’га чалинди», — деган у «Тиббиёт ва сифат — 2020» XIII Бутунроссия илмий-амалий конференциясида. Шунингдек, «бу ҳар қандай вакцинанинг профилактик самарадорлиги учун жуда ижобий рақамлар» эканлигини таъкидлаган.
Глаголевнинг айтишича, «Спутник V» вакцинаси билан эмлангандан сўнг гриппга ўхшаш синдром, шу жумладан, тана ҳароратининг кўтарилиши кўнгиллиларнинг, тахминан, 10 фоизида кузатилган. Вакцина олгандан кейин жиддий ножўя таъсирлар қайд этилмаган.
Эслатиб ўтамиз, Россия Соғлиқни сақлаш вазирлигининг Гамалея институти томонидан ишлаб чиқилган ва «Спутник V» вакцинаси 11 августда рўйхатдан ўтказилган. Вакцина клиник синовлари учинчи босқичининг оралиқ таҳлил натижалари 92 фоиз самарадорликни ташкил этишини кўрсатди. Декабрь ойи бошларида вакцина иккита компонентининг максимал нархи маълум қилинди.
Изоҳ (0)