O‘zbekiston Konstitutsiyasi va “Nogironligi bo‘lgan shaxslarning huquqlari to‘g‘risida”gi yangi qonun Brayl alifbosida chop etildi. Bu haqda Inson huquqlari bo‘yicha milliy markazga tayanib, “Gazeta.uz” ma’lum qildi.
Qayd etilishicha, nashrlar 500 tirajda chiqqan va O‘zbekiston ko‘zi ojizlar jamiyati va boshqa tashkilotlarga beg‘araz yordam sifatida topshiriladi.
Ushbu rasmiy nashr Inson huquqlari bo‘yicha O‘zbekiston Milliy strategiyasi ijrosi doirasida Inson huquqlari bo‘yicha O‘zbekiston Milliy markazi va “Adolat” milliy huquqiy axborot markazi tomonidan chop etildi. Bu ezgu ishda Yevropada xavfsizlik va hamkorlik tashkilotining O‘zbekistondagi Loyihalarni muvofiqlashtiruvchi ofisi yaqindan yordam bergan.
2018-yilning dekabr oyida O‘zbekiston matbuot va axborot agentligi (hozirgi AOKA) “Yog‘du” nashriyoti bilan birga O‘zbekiston Konstitutsiyasining Brayl alifbosidagi nashrini 50 nusxada chop etgandi. Nashriyot shunday kitobdan yana 2000 nusxa chop etishni rejalashtirgandi.
Mavzuga doir:
- Nogironligi bor bo‘lgan shaxslar uchun “to‘siqsiz muhit”ni shakllantirishimiz lozim — Tanzila Norboyeva
- O‘zbekistonda ehtiyojmand oilalar farzandlariga beriladigan yordam puli uchun hujjatlar talab qilinayotgani to‘g‘risidagi xabarga izoh berildi
- BMT nogironlarning oliy sudlovda ishtirok etishini ta’minlash yuzasidan tavsiyalar ishlab chiqdi
Izoh (0)