2020 йилнинг ноябрь ойида ўзбекистонликларнинг уй-жой коммунал хизмат кўрсатиш соҳаси бўйича шикоятлари 5 баробар кўпайган, деб хабар беради Истеъмолчилар ҳуқуқларини ҳимоя қилиш агентлиги ахборот хизмати.
Маълум қилинишича, Истеъмолчилар ҳуқуқларини ҳимоя қилиш агентлигига 2020 йилнинг ноябрь ойида республика бўйича 4693 та мурожаат келиб тушган. Бу рақам 2019 йилнинг шу даври билан таққосланса, ариза ва шикоятлар сони 2,5 бараварга кўпайгани маълум бўлади (сентябрь — 1787 та, октябрь — 1929 та).
Уй-жой коммунал хизмат кўрсатиш соҳасидаги ҳолатлар бўйича аниқланган мурожаатларнинг сони 3544 та, одатдагидан 5 маротаба кўп (сентябрь — 1767 та, октябрь — 792 та).
Таъкидланишича, истеъмолчилар мурожаатларининг асосий қисми кўп қаватли уйларнинг электр энергияси таъминоти, газ ва иситиш тизимлари билан боғлиқ. Истеъмолчилар ҳуқуқларини ҳимоя қилиш агентлигининг 1159 ишонч телефони, веб-сайти ва электрон почтаси орқали кунига 600 га яқин сўровлар қабул қилинган. 23 ва 24 ноябрь кунлари эса рекорд миқдордаги мурожаатлар сони қайд этилган.
«Фуқароларнинг мурожаатлари ҳудуд кесимида олинадиган бўлса, 1-ўрин Тошкент шаҳри, сўнгра Фарғона ва Тошкент вилоятларига тўғри келади. Тўртинчи ўринда Наманган вилояти турибди», — дейилади хабарда.
Аввалроқ Ўзбекистонда ўтган 10 ойда режадагидан 5 фоизга кўп электр энергияси ишлаб чиқарилгани маълум қилинганди.
Мавзуга доир:
Изоҳ (0)