Сурхондарё вилоятининг Жарқўрғон туманига янги ҳоким тайинланди. Бу ҳақда «Дарё»га вилоят ҳокимлиги ахборот хизмати раҳбари Заҳириддин Тўраев маълум қилди.
Таъкидланишича, 3 декабрь, пайшанба куни вилоят раҳбари Тўра Боболов иштирокида Халқ депутатлари Шеробод тумани кенгашининг навбатдан ташқари сессияси бўлиб ўтган. Унда Жарқўрғон туманига 2018 йилдан бери Ўзбекистон қурилиш вазири ўринбосари лавозимида ишлаган Баҳодир Ўроқов ҳоким этиб тасдиқланган.
Баҳодир Ўроқов 1979 йилнинг 17 февралида Жарқўрғон туманида туғилган. 1999 йилда Тошкент ирригация ва қишлоқ хўжалигини механизациялаштириш муҳандислари олийгоҳи, 2008 йилда Тошкент молия институти, 2016 йилда Банк-молия академиясини тамомлаган.
2003—2005 йилларда Сурхондарё вилояти молия бошқармаси етакчи иқтисодчиси, 2005-2017 йилларда Ўзбекистон Республикаси молия вазирлиги инвестициялар бошқармаси бўлим бошлиғи, 2017—2018 йилларда Давлат архитектура ва қурилиш қўмитаси раиси ўринбосари лавозимларида ишлаган.
Бундан аввал Сурхондарё ҳокимининг собиқ ўринбосари Шерободга ҳоким этиб тайинлангани хабар берилган эди.
Изоҳ (0)