Қулликда яшаётган 40 миллион кишининг 71 фоизини аёллар ва қизлар ташкил қилади. Бу ҳақда БМТ Бош котиби Антониу Гутерриш Халқаро қулликка қарши кураш куни муносабати билан сўзлаган нутқида маълум қилди, деб ёзади «РБК».
«Бугун қуллик асли насаби бўйича жабр-зулм қилиш, болаларни уйда мажбурлаб ишлатиш, мажбурий никоҳлар, қарз мажбуриятлари, шу жумладан, жинсий эксплуатация қилиш мақсадида одамлар савдоси, шунингдек, болаларни қуролли низоларга жалб қилиш кўринишида намоён бўлмоқда», — деди Гутерриш.
Бош котибнинг сўзларига кўра, аёллардан ташқари, камбағал ва камситиладиган гуруҳлар, яъни ирқий ва этник озчиликлар қулликка энг кўп дучор бўлади. Шу муносабат билан у БМТ аъзоларини ва барча фуқаролик жамиятларини қуллик қурбонларини ҳимоя қилишга ва қўллаб-қувватлашга, шунингдек, ушбу «жирканч амалиётларга» қарши курашга жамоавий ҳисса қўшишни кучайтиришга чақирди.
Изоҳ (0)