Футбол бўйича Про-Лиганинг сўнгги — 20-туридан ўрин олган «Нефтчи» ва «Турон» жамоалари ўртасидаги ўйин 1 декабрь, сешанба куни бўлиб ўтди.
Учрашув кескин ва муросасиз руҳда бошланди. Биринчи бўлимда ҳар икки жамоа вакилларида бир қатор имкониятлар юзага келди. 16-дақиқада яйпанликлар олдинга ўтиб олиши мумкин эди, бироқ Жавоҳир Соҳибов пенальтини аниқ амалга ошира олмади.
Иккинчи бўлимнинг дастлабки дақиқалари мезбонларнинг устунлигида ўтди. Вақт ўтиб «Турон» вакиллари вазиятни ўнглашга муваффақ бўлди. 81-дақиқада меҳмонлар ҳисобни очишга муваффақ бўлди: захирадан майдонга қўшилган Асилбек Қаюмов ён чизиқдан узатиб берилган тўпни дарвозага жойлаб қўйди.
Қолган вақтда фарғоналиклар ҳисобни ўзгартира олмади ва Суперлигага тўғридан-тўғри чиқиш имкониятини йўққа чиқарди.
Гол видеосини бу ерда кўриш мумкин — видео
«Турон» очколарини 38 тага етказиб олган ҳолда, мусобақани 1-ўринда якунлади. «Нефтчи» эса 37 очко билан иккинчи ўринда қолди.
Шу тариқа «Турон» Про-Лиганинг 2020 йилги мавсуми чемпионига айланди ва Суперлигага йўлланма олди. «Нефтчи» эса Суперлиганинг 13-ўриндаги жамоаси билан ўтиш ўйинида иштирок этади.
Про-Лига
20-тур баҳси
«Нефтчи» — «Турон» 0:1
Гол: 0:1 – 81 Қаюмов.«Нефтчи»: 35. Шерзод Абдураимов, 4. Миржалол Неъматов, 9. Отабек Зокиров, 10. Ислом Тошпўлатов, 13. Жамшид Қобулов , 17. Достон Тошматов, 18. Жавоҳир Расулов, 20. Дилёрбек Эрматов(С), 27. Достон Авазбеков, 34. Рустам Абдухамидов, 38. Умар Адҳамзода.
Захира: 21. Фаррух Турдалиев, 3. Тимур Султонов, 5. Элдор Эргашев 6. Муҳаммадазиз Обиджонов, 7. Мансур Саидов, 9. Отабек Зокиров, 31. Павел Смоляченко, 77. Санжарбек Зокиров, 93. Анвар Ҳожимирзаев.
«Турон»: 87. Акмал Ортиқов, 2. Абдулазизхон Абдурашидов, 4. Суннатилло Эрматов, 5. Ойбек Аҳматов, 10. Жавоҳир Соҳибов (С), 14. Дониёр Исмоилов, 17. Достон Мелиқўзиев, 18. Аслиддин Тоштемиров, 22. Ғолиббек Сарибоев, 25. Исмоил Охунжонов ,77. Билол Тошмирзаев.
Захира: 1. Мирзоҳид Жалилов, 59. Амал Шавкетов, 7. Умиджон Қодиров, 8. Баҳодир Акрамов, 11. Асилбек Қаюмов, 15. Шохруҳбек Холматов, 23. Хуршидбек Асқарадиев, 71. Миржалол Мирзаев.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)