Футбол бўйича Италия А Сериясининг 9-турида «Женоа» клуби «Парма»га ютқазди (1:2).
Учрашувнинг 50-дақиқасида Элдор Шомуродов мезбонларнинг учрашувдаги ягона голига муаллифлик қилди. Бу Элдор учун «Женоа» сафида ва А Сериядаги дебют гол бўлди.
Шу тариқа Шомуродов Италия чемпионатида гол урган илк ўзбекистонлик футболчига айланди.
25 ёшли ўзбекистонлик футболчи мазкур ўйинда 69 дақиқа ҳаракат қилиб, 3 марта дарвоза томон зарба берди ва уларнинг иккитаси аниқ бўлди. Учрашувда генуяликларнинг ҳеч қайси футболчиси ундан кўп аниқ зарба йўлламади.
Аввалроқ Элдор Италия Кубоги 1/16 финали доирасида «Сампдория»га қарши ўйинда голли узатма амалга оширганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)