Кучли ҳаво оқими таъсирига тушиб қолган олма билан нима содир бўлиши секинлаштирилган кадрларда кўрсатиб берилди

Видеоблогерлар Гэвин Фри ва Даниэль Грачи ўзининг The Slow Mo Guys номли лойиҳаси давомида секинлаштирилган роликларни суратга олиб келади. Улар турли объектлар устида, хусусан, қопқон, огнемёт ёки сув билан тўлдирилган улкан шарлар устида тажрибалар ўтказган, деб хабар беради Hi-Tech.Mail.ru.

Блогерларнинг навбатдаги видеосида ҳавода ўз ўқида айланган ва шундан сўнг парчаланиб кетган олмани кўриш мумкин. Левитация Коанда эффекти билан изоҳланади — у предмет юзасига ҳаво оқими таъсиридаги паст босим зонаси ҳисобига содир бўлади. Роликда ҳаво оқими 150 PSI босимли ҳаво компрессори ёрдамида ҳосил қилинган.

Олма (ёки бошқа предмет, масалан, пинг-понг тўпи) ён тарафга бироз силжиса, ташқи томондан таъсир этаётган ҳаво оқими секинлашади, маркази эса тез қолгани сабаб олма тескари йўналишда тортилади. У қарама-қарши йўналишда тезлашади.

Блогерларнинг сўзларига кўра, олма шу қадар тез айланганки, оддий камера ёрдамида унинг айланиши ва парчаланишини суратга олишнинг имкони йўқ. «Олманинг бир марта тўлиқ айланиши учун 9,1 миллисония кифоя, бу сониясига 109 маротаба айланиш демак», — дейди Фри. Эффектнинг ишлаш принципини кўрсатиш учун тасвир сониясига 28 500 кадр тезлигида секинлаштирилган.