Футбол бўйича Италия А Сериясининг 9-турида «Женоа» 30 ноябрь, душанба куни «Парма»ни қабул қилди.
Учрашув ҳар икки жамоанинг фаол ҳужумлари билан бошланди. Учрашувнинг 10-дақиқасида меҳмонлар ҳужумчиси Жервиньо жарима майдонига ёриб кирган ҳолда ҳисобни очди. Биринчи бўлимда ҳар икки жамоа вакиллари бир нечта қулай имкониятлар юзага келди. Элдор Шомуродов бўлим ўрталарида икки ҳимоячини ортда қолдирган ҳолда дарвоза томон зарба берди, бироқ унинг зарбасини рақиб посбони бартараф этишга эришди.
Иккинчи бўлим дебюти ҳам меҳмонлар учун омадли бўлди. Майдон марказида тўпнинг йўқотилишидан кейин тезкор қарши ҳужумга ўтган «Парма» футболчилари Жервиньонинг аниқ зарбасидан кейин ҳисобни оширди.
Орадан кўп ўтмай генуяликлар жавоб тўпини киритди. Жарима майдони ичида тўпни қабул қилиб олган Шомуродов ўзининг аниқ зарбаси билан «Женоа»даги дебют голини урди. Шомуродов 69-дақиқада захирага олинди. Қолган вақтда майдон эгалари вазиятни ўнглай олмади.
Ушбу ғалабадан кейин «Парма» очколарини 9 тага етказиб олган ҳолда 16-ўринга кўтарилди. «Женоа» (5) эса 19-поғонада бормоқда.
А Серия
9-тур баҳси
30 ноябрь, душанба
«Женоа» — «Парма» 1:2
Голлар: 0:1 – 10 Жервиньо, 0:2 – 47 Жервиньо, 1:2 – 50 Шомуродов.«Женоа»: Палеари, Гильоне (Пьяца, 82), Голданига, Бани (Дестро, 89), Пеллегрини, Лерагер (Зайц, 69), Бадель (Парижини, 81), Стураро, Сапата, Шомуродов (Пандев, 69), Скамакка.
«Парма»: Сепе, Бюси (Якопони, 73), Бруну Алвеш, Осорио, Галоло (Лорини, 19), Куртич, Куцка, Карамо (Грасси, 74), Скоцсарелла (Эрнани, 63), Жервиньо, Корнелиус.
Огоҳлантиришлар: Бюси (58), Карамо (67), Бадель (76), Бани (84).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)