Тошкент вақти билан 30 ноябрь куни соат 18:58 да Ўзбекистонда зилзила содир бўлди. Бу ҳақда ФВВ Сейсмопрогностик мониторинг республика маркази хабар қилди.
Ер силкиниши магнитудаси эпимарказда 3,9 баллни ташкил қилган ва 10 километр чуқурликда юз берган. Зилзила эпимарказидан Тошкентгача бўлган масофа жануби-ғарбий йўналиш бўйича 479 километрни ташкил қилган.
Зилзила Ўзбекистоннинг фақат Бухоро вилоятида сезилган ва унинг кучи 3 баллни ташкил этган.
Эслатиб ўтамиз, 6 ноябрь, 10 ноябрь, 12 ноябрь, 19 ноябрь ва 26 ноябрь кунлари қўшни давлатларда юз берган зилзила кучи Ўзбекистон ҳудудида сезилган эди.
Изоҳ (0)