АОКАда 27 ноябрь куни бўлиб ўтган матбуот анжуманида ташқи меҳнат миграцияси агентлиги бошлиғи Муҳаммадзокир Маматхонов Жанубий Кореяга фуқароларни ишга юбориш ҳақида маълумот берди, деб хабар бермоқда «Kun.uz».
Қайд этилишича, ҳозирда Жанубий Кореяга мигрантларни юбориш учун фақат Ташқи меҳнат миграцияси агентлигида имконият бор. Ҳеч бир хусусий бандлик агентлиги Корея Республикасининг мигрантларни қабул қиладиган ваколатли органи билан шартномага эга эмас. Агарда хусусий бандлик агентликлари Кореянинг Инсон ресурслари маркази ташкилоти билан шартнома тузиб, улар қўйган талабларни бажарса, қонунда ҳеч қандай тўсиқ йўқ.
«Лекин Корея Республикасининг ҳукуматлараро келишувидаги талаби бўйича улар фақат биз билан ишлайди. Бу дегани кимгадир тақиқ қўйилган, биз монополистмиз дегани эмас.Бир нарса тўғри қабул қилинишини сўрардим. Хусусий бандлик агентлиги билан Ташқи меҳнат миграцияси агентлиги бир хил ваколатга эга бўлган ташкилот.
Мана, 20 та хусусий бандлик агентлигимиз қолди. Улар Кореядаги мигрантларни қабул қиладиган ягона ваколатли орган билан шартнома қила олса, буни текшириб, халққа эълон қилишга тайёрмиз»,— деган агентлик бошлиғи.
Аввалроқ Ўзбекистонда яратилаётган хавфсиз, қонуний меҳнат миграция тизимига 300 миллиард сўм маблағ ажратилиши, Халқаро миграция ташкилоти Ўзбекистонда ўз ваколатхонасини очиши, шунингдек, Ўзбекистондаги 20 та хусусий бандлик агентлигининг лицензияси вақтинча тўхтатилгани ҳақида хабар берилган эди.
Мазвуга доир:
Изоҳ (0)